Аҕам саастаах “Хатыҥ-Арыы нэһилиэк” ытык-мааны дьоммутун үүммүт Саҥа 2025 сылынан эҕэрдэлиибит! Баҕарабыт чэгиэн-чэбдик доруобуйаны, үтүмэн үөрүүнү, бигэ туругу, оҕолоргут, сиэттэргит ситиһиилэринэн угуттанан нус-хас уһун дьоллоох олоҕу! 👏👏👏🎄🎅🎊🎉🎉🎉
Эһиги үтүө үгэстэри салҕаан уонна тэнитэн, нэһилиэк сайдыытыгар сыралаах үлэҕитинэн сүҥкэн кылааты киллэрбит үтүө өҥөлөөххүт! Төрөөбүт дойдугутугар тапталгыт, эрэлгит, итэҕэлгит уонна инникигэ эппиэтинэстээх сыһыаҥҥыт барыта үүнэр көлүөнэҕэ үтүө холобур буолар. Ыччат өй-санаа өттүнэн үүнэригэр олук уурар. Эһиги олоххо баай уопуккут, мындыр, олоххо көхтөөх быһыыгыт өрүү өйөбүл буолуоҕа.

Тохсунньу 10 күнүгэр 2025 с. күнүс 15ч. “Чороон” норуот айымньытын уораҕайыгар сылын аайы ыытыллар Аҕам саастаах дьоҥҥо аналлаах Саҥа дьыл дьоро киэһэтэ буолан ааста. Нэһилиэкпит баһылыга Иван Дмитриевич ытык-мааны дьоммутун эҕэрдэлээтэ. Көрдөөх араас оонньуулар, бырааһынньыктааҕы бүлүүдэҕэ күрэх, Моҕой маскарад куонкурса, эҕэрдэ ылбаҕай ырыалары ыллаатылар: Афанасий Винокуров, Горьяна Стрекаловская, Петр Машников, Саргылана Пономарева, Леон Чупров, Андрей Слепцов, Анна, Петр Охлопковтар. Дьоро күммүт олус бэһиэлэйдик, сэргэхтик буолан ааста.