Бэс ыйын 18 кунугэр 2025 с. кунус 11 чаастан нэhилиэкпит Yруң Тунах ыhыа5а Кыhыл Дэриэбинэ Хатың-Чараң туhулгэтигэр буолбута.
Саха киһитэ аҕыс ыйдаах тымныы кыһыны этэҥҥэ туораан, Ийэ айылҕаҕа махтанан, өрөгөйө үрдээн Улуу тунах, уйгу-быйаҥ күннэринэн кыынньыбыт кымыһынан, саҥыйахтаах алаадьынан Аал уот нөҥүө Үрдүкү Айыылартан көрдөһөн-ааттаһан Аар айылҕатын аһатар. Ыһыах сүрүн суолтата — алгыс. Үрүҥ күн Орто туруу бараан дойдуга чугаһаан, сир-дойду силигилии ситэн, Айыылар үтүө харахтарынан көрөр кэмнэрэ — бэс ыйа. Бу кэмҥэ Сахабыт сирин бары улуустарыгар, нэһилиэктэригэр Ытык Ыһыах ыһыллар. Алгысчыт — Алгыс-Бүɵтүр арыалдьыттарын, битииһиттэрин кытта Алгыһы көтөхсөн, бар дьоннорун араҥаччылаатылар.

Улуу Кыайыы 80 сылыгар аналлаах театрализованнай кɵрдɵруугэ олус кɵхтɵɵхтук кытынныбыт.

Детскай площадка5а о5олорго аналлаах оонньууларбытын, курэхтэрбитин ыыттыбыт. Ол курдук «Сайыына Куо» кырачаан кыргыттарга аналлаах 3 туhумэххэ арааран курэх ыыттыбыт (7-10 сааст.), бэйэни билиhиннэрии, талба талаан, «Саха мааны кыысчаана».
«Сайыына Куо» урдук ааты ылла Элиза Винокурова, кыттыбыт кыргыттар номинация, сэмэй бэлэхтэри “Хатың-Арыы нэһилиэк” дьаһалтатын аатыттан ылан уɵрдулэр-кɵттулэр.

Ону таhынан о5о туhулгэтигэр биирдиилээн араас курэхтэhиилэр, оонньуулар буоллулар, ыhыах ТОРУМА:

1. Саха танаьа-2025 курэх, уолаттарга, кыргыттарга;
2. Фольклор «Өбүгэбит угэьинэн» курэхтэр: тойукка, чабыр5ахха, хомуска уонна норуот ырыаларыгар.
3. Номоххо кубулуйбут ɵбугэлэрбит спорт оонньууларыгар:
   • Куобах (уолаттарга)
   • Балыксыт Омоллоллоон
   • Сууруу (уолаттарга, кыргыттарга)

О5олорго аналлаах Урун Тунах ыhыахпытыгар кэлэн кыттыыны ылбыт кэнчээри ыччаппытыгар махталбытын тириэрдэбит. Ба5арабыт эьиэхэ чел, чэгиэн доруобуйаны, уерэххитигэр урдуктэн урдук ситиьиилэри, элбэх уерууну-кетууну, уйгу-быйаны, дьоллоох о5о сааhы!

Бэс ыйын 21 кунугэр сарсыарда 14:00 чааска Кун тахсыытын Нам паркатыгар сиэрин-туомун алгыстаата Алгыс-Бүɵтүр.
Арҕаһыттан тэһииннээх аһыныгас Айыы хаан аймаҕа, көхсүттэн көнтөстөөх көмүскэс Күн улууһун дьоно буоларбыт быһыытынан, сиэри-туому толорсон аламай маҥан күнтэн күүс ылан, бары сомоҕолоһон санаабытын-онообутун түмэн дьоңңо-сэргэ5э өй-санаа бөҕөргүүрүн, күүс-уох олохтонорун, саха сатабылын, этэҥҥэ буолууну кɵрдɵстубут. Орто дойду олугун түстэнэн эппитигэр-сииммитигэр эрчим, өйбүтүгэр-санаабытыгар куус-уох эбинэн уйгубутун-быйаҥмытын үксэттибит! Нам улууhун олохтоохторо хайа да дьыллаа5ар то5уоруhа мунньустан элбэх буолан кэлбиттэр. Москуба куораттан ыалдьыттыы нууччалар Кун тахсыытыгар уерэ-кете кэлэн, сиэри-туому тутуьан биьигини кытта алгыска, оһуохайга кыттыннылар.
Бу күн, кунус 11:00 чаастан Намңа ыһыахтыыр түһүлгэтигэр 3 алгысчыт сиэри-туому тутуһан алгыьы туьэрдилэр, Алгыс-Буетур кытынна. Театрализованнай кердеруу буолла, маассовай кыттыыга норуот элбэх, оскуола о5олоро, ансаамбыллар, тэрилтэлэр, общественность олус кехтеехтук кытыннылар.

Киэьэлик «Ивушка» ансаамбыл нэьилиэктэр түһүлгэлэрин сценатыгар З.П.Винокуров аатынан О5о искусствотын Народнай оркестрын (учууталларын) кытта э5эрдэ кэнсиэргэ кыттыыны ыллылар. “Ивушка» ансаамбыл көрөөччүлэргэ уопсайа 5 ырыаны бэлэх ууннулар. Быйыл ыһыахха саңа сахалыы көстүүм тиктэрэн “Э5эрдэ ырыата” — диэн сана ырыаны уерэтэн записьтанан сурэхтээтилэр. Кыргыттарга тугэнинэн туьанан ис сурэхтэн махтанабыт, ба5арабыт утумэн уерууну, ситиьиилэри, дьолу!

Нам улууһун ытык-мааны олохтоохторо уонна күндү ыалдьыттара, өбүгэбит ситимин быспакка, Эллэй эһэбит үгэһин утумнаан, саҥа кэми кытта тэҥҥэ хардыылаан, дойдугут аатын ааттатан сириэдийэ силигилээҥ! Үрүҥ күн үтүөтүн тутуһан, Үрүҥ былыт үктэллээх Үрүҥ Айыы Тойонтон үүннэнэн-тэһииннэнэн үүнүҥ-чэчирээҥ! Өрөгөй-талаан арылыннын, үрүҥ илгэ үрүлүйэ сүүрдүн, дьол-туску тосхойдун!